// print_r($new['title']); ?>
day, 00 month 0000

என்னிடம் பணமில்லை, எனது பணத்தை விடுவியுங்கள் - உதயங்க வீரதுங்க நீதிமன்றில் கோரிக்கை

மிக் விமான ஒப்பந்தத்தில் பணம் வைப்பு செய்யப்பட்டதாக கூறி இடைநிறுத்தப்பட்டுள்ள இரண்டு வங்கிக் கணக்குகளின் பணத்தை விடுவிக்குமாறு உதயங்க வீரதுங்க நீதிமன்றில் கோரிக்கை விடுத்துள்ளார்.

ரஷ்யாவுக்கான முன்னாள் இலங்கைத் தூதுவர் உதயங்க வீரதுங்க விசேட பிரேரணை ஒன்றை தாக்கல் செய்து கொழும்பு மேல் நீதிமன்றில் இந்தக் கோரிக்கையை முன்வைத்துள்ளார்.

ரஷ்யாவுக்கான தூதுவராக இருந்து ஒன்பது வருடங்களாக தனது தூதுவரின் சம்பளத்தில் வரவு வைக்கப்பட்ட வங்கி மீளப் பணம் மற்றும் மிக் ஒப்பந்தத்திற்கு முன்னர் (2006 க்கு முன்னர்) வேறு வங்கிக் கணக்கில் வைப்பிலிடப்பட்ட பணத்தை விடுவிக்குமாறு வீரதுங்க நீதிமன்றத்திடம் கோரியுள்ளார்.

இது தொடர்பில் உதயங்க வீரதுங்கவின் ஜனாதிபதி சட்டத்தரணி அனில் சில்வா நீதிமன்றில் முன்வைத்திருந்த நிலையில், குறித்த வழக்கு கொழும்பு மேல் நீதிமன்ற நீதிபதி தமித் தொட்டவத்த முன்னிலையில் விசாரணைக்கு எடுத்துக்கொள்ளப்பட்டது.

உதயங்க வீரதுங்கவினால் நீதிமன்றத்தில் சமர்ப்பிக்கப்பட்ட சத்தியக் கடதாசியையும் சமர்ப்பித்த சட்டத்தரணி அனில் டி சில்வா, தனது கட்சிக்காரரின் கணக்குகள் எட்டு வருடங்களாக இடைநிறுத்தப்பட்டுள்ளதால் அவர் பெரும் நிதி நெருக்கடிக்கு உள்ளாகியுள்ளதாக தெரிவித்தார்.

இலங்கை விமானப்படைக்கு மிக் ரக விமானங்களை கொள்வனவு செய்ததில் நிதி முறைகேடுகள் இடம்பெற்றுள்ளதாக ஊடகவியலாளர் இக்பால் அதாஸ் கடந்த 2015ஆம் ஆண்டு ஊழல் தடுப்பு குழுவிடம் முறைப்பாடு செய்திருந்தார்.

2006 மிக் பரிவர்த்தனை தொடர்பாக, மார்ச் 26, 2015 அன்று நிதிக் குற்றப் புலனாய்வுப் பிரிவினால் தாக்கல் செய்யப்பட்ட முறைப்பாட்டின் அடிப்படையில் விசாரணை ஆரம்பிக்கப்பட்டன.

17 வருடங்களுக்கு முன்னர் இடம்பெற்ற மிக் பரிவர்த்தனையை குற்றஞ்சாட்டி இவ்வாறு ஒருதலைபட்சமாக வங்கிக் கணக்குகள் முடக்கப்பட்டுள்ளமை பெரும் அநீதி என இங்கு குறிப்பிடப்பட்டுள்ளது.

கணக்குகளை முடக்குவதற்கான கால அவகாசம் நாளை (13) வரை நீடிக்கப்பட்டுள்ளதாக மத்திய வங்கியின் நிதிப் புலனாய்வுப் பிரிவின் பணிப்பாளரும் நீதிமன்றில் சமர்ப்பித்துள்ளார்.

எட்டு ருடங்களுக்கும் மேலாக வங்கிக் கணக்குகளை அவ்வப்போது செயலிழக்கச் செய்வதன் மூலம் குடும்பத்தில் ஏக வருமானம் ஈட்டும் குடும்பத்தின் இரண்டு பிள்ளைகளின் கல்வி இல்லாமையும், 08 வருடங்களுக்கு மேலாக மாதாந்த கொடுப்பனவுகள் அனைத்தும் நிறுத்தப்பட்டுள்ளதாகவும், இதன் மூலம் அடிப்படை மனித உரிமைகள் மீறப்படுவதாகவும் சுட்டிக்காட்டப்பட்டுள்ளது.

இலங்கை அரசாங்கம் மிக் ஒப்பந்தத்தில் கைச்சாத்திடுவதற்கு முன்னர், கொமர்ஷல் வங்கியில் உள்ள தனது கணக்கில் உள்ள பணத்தையும், தாம் ஒன்பது வருடங்களாக தூதுவராக பணியாற்றிய போது பெற்ற சம்பளப் பணத்தையும் விடுவிக்குமாறு உதயங்க வீரதுங்கவினால் சமர்ப்பிக்கப்பட்ட மனுவில் தெரிவிக்கப்பட்டுள்ளது.

ஜனாதிபதி சட்டத்தரணியின் அறிக்கைகளை பரிசீலித்த மேல் நீதிமன்ற நீதிபதி தமித் தொட்டவத்த , தனது நிலைப்பாட்டை நீதிமன்றில் சமர்ப்பிக்குமாறு சட்டமா அதிபருக்கு அறிவித்து விசாரணையை ஒத்திவைத்துள்ளார்.


Related News

சிங்கார வேலனே தேவா!" தமிழ் அவனிக்காக யாழ். கே.பி. குமரன் நாதஸ்வரக் குழுவினர்