// print_r($new['title']); ?>
day, 00 month 0000

கேணல் கடாபியை கொல்வதற்காக 81 பேருடன் பயணித்த விமானத்தை பிரான்ஸ் சுட்டு வீழ்த்தியது - இத்தாலிய முன்னாள் பிரதமர் பரபரப்புக் குற்றச்சாட்டு

1980 ஆம் ஆண்டில், அப்­போ­தைய லிபிய அதி­ப­ரான கேணல் முவம்மர் கடா­பியை கொலை செய்யும் முயற்­சியில் 81 பேருடன் பய­ணித்துக் கொண்­டி­ருந்த இத்­தா­லியப் பய­ணிகள் விமா­ன­மொன்றை பிரெஞ்சுப் படை­யினர் கவ­ன­யீ­ன­மாக சுட்டு வீழ்த்­தினர் என இத்­தா­லியின் முன்னாள் பிர­தமர் குய்­லி­யானோ அமாட்டோ குற்றம் சுமத்­தி­யுள்ளார்.

இச்­சம்­ப­வத்­துக்கு அமெ­ரிக்­காவும், பிரான்ஸும்  பொறுப்பு எனவும், தோல்­வி­ய­டைந்த இப்­ப­டு­கொலை முயற்சி மூடி மறைக்­கப்­பட்­ட­தா­கவும் அவர் கூறி­யுள்ளார்.

1992, 1993 மற்றும் 2000,2001 காலப்­ப­கு­தி­களில் இரு தட­வைகள் பிர­த­ம­ராக பதவி வகித்­தவர் குய்­லி­யானோ அமாட்டோ.

1980 ஜூன் 27 ஆம் திகதி, இத்­தா­லியின், இத்­தா­வியா விமான நிறு­வ­னத்தின் பிளைட் 870 விமானம் இத்­தா­லியின் போலோக்னா நக­ரி­லி­ருந்து இத்­தா­லியின் சிசிலி தீவி­லுள்ள  பாலேர்மோ நகரை நோக்கி சென்று கொண்­டி­ருந்­தது.

மெக்­டொனெல் டக்ளஸ் டிசி9 ரகத்தைச் சேர்ந்த இவ்­வி­மானம், மத்­திய தரைக்­க­டலில் சிசிலி தீவுக்கு அரு­கி­லுள்ள உஸ்­டிக்கா  தீவில் வீழ்ந்து நொறுங்­கி­யது.

இதனால், விமா­னத்­தி­லி­ருந்த 77 பய­ணிகள் உட்­பட 81 பேரும் உயி­ரி­ழந்­தனர். இத்­தா­லியில்   இடம்பெற்ற மிக மோச­மான  விமான அனர்த்தம் இது­வாகும்.

  இச்­சம்­பவம் இடம்­பெற்று 43 வரு­டங்கள் கடந்த நிலையில், இத்­தா­லிய முன்னாள் பிர­தமர் குய்­லி­யானோ அமாட்டோ, இத்­தா­லியின் லா ரிபப்­ளிக்கா பத்­தி­ரி­கைக்கு அண்­மையில் அளித்த செவ்­வியில் மேற்­படி குற்ற­ச்­ சாட்­டு­களை தெரி­வித்­துள்ளார்.

'அமெ­ரிக்­காவின் உத­வி­யுடன், கேணல் முவம்மர் கடா­பியை ஆட்­சி­யி­லி­ருந்து அகற்­று­வ­தற்கு பிரான்ஸ் முயற்­சித்­தது.  

குறித்த தினத்தில் நேட்டோ விமா­னங்­களின் போர்ப் பயிற்­சி­யொன்று அப்­ப­கு­தியில் நடத்­தப்­பட்­டது.

லிபிய இரா­ணுவ விமா­ன­மென்றே உண்­மை­யான இலக்­காக இருந்­தது. யூகோஸ்­லா­வி­யா­வுக்கு சென்­றி­ருந்த கேணல் கடாபி, மேற்­படி விமா­னத்தில் பய­ணிப்பார் என நம்­பப்­பப்­பட்­டது. ஆனால், இது தொடர்பில் கடா­பிக்கு இத்­தா­லி­யினால் தகவல் தெரி­விக்­கப்­பட்­டது. அதனால் அந்த இரா­ணுவ விமா­னத்தில் அவர் பய­ணிக்­க­வில்லை என அமாட்டோ கூறி­யுள்ளார்.

எனினும், பிரான்ஸ் போர் விமா­னத்­தி­லி­ருந்து ஏவு­க­ணை­யினால் இத்­தா­வியா பிளைட் 870 பய­ணிகள் விமானம், சுட்­டு­வீழ்த்­தப்­பட்­டது என அமாட்டோ கூறி­யுள்ளார்.

இது தொடர்­பாக விசா­ரணை நடத்தி, இவ்­வி­டயம் உறுதிப்படுத்தப்பட்டால்  பாதிக்­கப்­பட்ட குடும்­பங்­க­ளிடம் பிரான்ஸ் மன்­னிப்பு கோர வேண்டும் என பிரான்ஸ் ஜனா­தி­பதி இமா­னுவெல் மெக்­ரோ­னிடம் அமாட்டோ கோரி­யுள்ளார்.

அவ்­வி­மானம் வீழ்ந்­தது எப்­படி என்­பது நீண்­ட ­காலமாக மர்­ம­மாகவே இருந்­தது. அது சுட்­டு­வீழ்த்­தப்­பட்­டி­ருக்­கலாம் அல்­லது விமா­னத்தில் குண்­டு­வெ­டித்­தி­ருக்­கலாம் என சிலர் கூறி­யி­ருந்­தனர். பல வரு­டங்­களின் பின் கட­ல­டி­யி­லி­ருந்த விமானச் சிதை­வுகள் ஆராய்ப்­பட்­ட­பின்னர், அது ஏவு­க­ணை­யினால் சுடப்­பட்­டி­ருக்­கலாம் எனத் தெரி­விக்­கப்­பட்­டது.

குறித்த இரவில் அப்­ப­கு­தியின் வான் ­ப­ரப்பில்  இரா­ணுவ நட­வ­டிக்கை எதுவும் இடம்­பெ­ற­வில்லை என அமெ­ரிக்க, பிரான்ஸ், நேட்டோ அதி­கா­ரிகள், மேற்­படி சம்­ப­வத்தின் பின்னர் தெரி­வித்­தி­ருந்­தனர்.

லிபிய, பிரான்ஸ் போர் விமா­னங்­க­ளுக்கு இடை­யி­லான மோத­லின்­போது, தவ­று­த­லாக இப்­ப­ய­ணிகள் விமானம் சுட்டு வீழ்த்­தப்­பட்­ட­தாக மேற்­படி சம்­பவம் இடம்­பெற்ற காலத்தில் இத்­தா­லிய பிர­த­ம­ராக பதவி வகித்த,  பிரான்­சிஸ்கோ காசிகா 2008 ஆம் ஆண்டு தெரி­வித்­தி­ருந்தார்.

மேற்­படி விமா­னத்தைப் பாது­காக்கத் தவ­றி­ய­மைக்­காக, பாதிக்­கப்­பட்­ட­வர்­களின் குடும்­பங்­க­ளுக்கு 100 மில்­லியன் யூரோ இழப்­பீட்டை இத்­தா­லிய அரசு வழங்க வேண்டும் என இத்­தா­லிய நீதி­மன்றம் 2011 ஆம் ஆண்டு உத்­த­ர­விட்­டி­ருந்­தது.

கேணல் கடாபி 2011 ஆம் ஆண்டு லிபிய உள்­நாட்டு யுத்­தத்­தின்­போது கொல்­லப்­பட்­டமை குறிப்­பி­டத்­தக்­கது.

இந்­நி­லையில், முன்னாள் பிர­தமர் அமாட்­டோவின் கருத்து தொடர்­பாக பிரான்ஸ் அரசு உட­ன­டி­யாக கருத்துத் தெரி­விக்­க­வில்லை.

இத்­தா­லியின் தற்­போ­தைய பிர­தமர் ஜியோர்ஜியா மெலோனி கூறுகையில், அமாட்டோவின் கருத்து கவனத்திற்கொள்ளத் தக்கது. எனினும், அவர் தனது சொந்த அனுமானங்களுக்கு அப்பால், உறுதியான ஆதாரங்களை  முன்வைக்க வேண்டும்' எனக் கூறியுள்ளார். இது தொடர்பில் தன்னிடம் உறுதியான ஆதாரம் இல்லை என அமாட்டோ கூறியுள்ளார்.

அமாட்டோவின் கருத்தானது, பிரான்ஸ் – இத்தாலிய உறவுகளில் அழுத்தங்களை ஏற்படுத்தக்கூடும் எனக் கருதப்படுகிறது.


Related News

சிங்கார வேலனே தேவா!" தமிழ் அவனிக்காக யாழ். கே.பி. குமரன் நாதஸ்வரக் குழுவினர்