day,
00
month
0000
2023 மகளிர் உலகக் கிண்ண கால்பந்தாட்டத்தின் அரை இறுதிப் போட்டிகளுக்கு, ஸ்பெய்ன், சுவீடன், அவுஸ்திரேலியா, இங்கிலாந்து ஆகியன அணிகள் தெரிவாகியுள்ளன.
நேற்று நடைபெற்ற கால் இறுதிப் போட்டியில் நெதர்லாந்தை 2-1 கோல்கள் விகிதத்தில் ஸ்பெய்ன் வென்றது. மற்றொரு போட்டியில் ஜப்பானை 2-1 விகிதத்தில் சுவீடன் வென்றது.
இன்று நடைபெற்ற கால் இறுதிப் போட்டியில் பிரான்ஸை, இணை வரவேற்பு நாடான அவுஸ்திரேலியா பெனால்டி முறையில் 7-6 கோல்கள் விகிதத்தில் வென்றது. இன்று நடைபெற்ற 2 ஆவது கால் இறுதிப்போட்டியில் கொலம்பியாவை இங்கிலாந்து 2-1 விகிதத்தில் வென்றது.
எதிர்வரும் 15 ஆம் திகதி நியூஸிலாந்தின் ஆக்லாந்தில் நடைபெறவுள்ள அரை இறுதிப்போட்டியில் ஸ்பெய்னும் சுவீடனும் மோதவுள்ளன. 16 ஆம் திகதி சிட்னியில் நடைபெறவுள்ள 2 ஆவது அரை இறுதியில் அவுஸ்திரேலியாவும் இங்கிலாந்தும் மோதவுள்ளன. இறுதிப்போட்டி 20 ஆம் திகதி சிட்னியில் நடைபெறள்ளது.
இம்முறை அரை இறுதிக்குத் தெரிவான அணிகள் எதுவும் இதுவரை மகளிர் உலகக் கிண்ணத்தை வென்றதில்லை என்பது குறிப்பிடத்தக்கது.
